ابوكرش في الماراثون

السلام عليكم

انا النهار ده كنت بفكر في حال الدنيا و لقيت حكاية حلوة جت في دماغي قلت احكيها لكم
صلوا علي النبي(( عليه الصلاه و السلام ))

كان يا مكان يا سعد يا اكرام كان فيه عائلة مصرية مكونة من 4 افراد الاب(ابوكرش) و الام و لهم ابنين
وكانت حياتهم ممله جدا كان الاب بيروح الشغل كل يوم موظف يقعد علي المكتب لغاية ماييجي و قت الانصراف يروح يمضي و يروح علي طول لمراته المقهورة يضربها و يقول بصوت خشن هتيلي الغداء يا ....... ست يا وحشة فتروح الست الغلبانة تجيب الغداء و بعد ما يأكل و كرشه يتملي يخش ينام خخخخخخخخخخخخ يصحي علي الساعة 8 م يتفرج علي المسلسل و يفضل ادام التلفزيون لغاية الساعة10م و يروح القهوة يشرب شيشة و يشتم الصبي و الناس اللي قاعدة و ميدفعش الحساب و بعد كدة يروح ينام
فضل علي الحال الصعب ده لمدة 25 سنة ........................................
قعد يفكر عايزين سسبنس عايزين اثارة عايزين نقتل الملل فراح اخينا جتله فكرة جامده هي ايه؟؟ انه يعمل نشاط ايه هو النشاط؟؟
يعمل ماراثون جري كل يوم جمعةفي السطح و يشارك فيه اي حد بحيث انه يكسر الملل
عمل اعلان يوم الخميس بالليل عن الماراثون لكل سكان العمارة علشان محدش يشترك و يكون اقام عليهم الحجة
فجه اليوم المرتقب الحضور هوه و مراته و ابنيه فقرر رغم كل الصعبات انه برضه يقيم المرسون بالفعل عمل الماراثون و جري بقوة قبل ما مراته تبدا الاسترارت يكون هو عند السور و يرد و في النهاية

تمتمتاه

اعلان النتيجة الفائز الاول هو و الفائز التاني برضه هو لان مراته مقدرتش تكمل السباق قعد علي كدة 3 اسابيع حس ان الموضوع ممل و الجيران اشتكت انه بيبلغ متاخر فقال امري الي الله هبلغهم يوم الاربعاء بحيث برضه ميلحقوش يستعدوا لكن للأسف لحق جاره (ملتزم) و استعد بس مش اوي و جاب هدومه الرياضيه و اتدرب يوم الخميس الصبح سويدي و في النهاية جه اليوم الماراثوني المرتقب
اخوكم ملتزم و جاره و مراته و بالفعل اقيم السباق و بالرغم من انه خلي ولاده هما الحكام ويطلع يجري قبل الصفارة و يزق جاره النتيجة النهائية فوز ملتزم هاههههههههههههههههه لدرجة ان ولاده حبوا جاره اوي و كل سكان العمارة و هو حس بضيق شديد
فقعد يفكر كتير ازاي أتغلب علي جاري ابن ال....... اللي الناس كلها بتحبه و بيجري حلو ؟؟
ازاي اغلبه ؟؟
قالت له نفسه الامارة احط لجاري المسامير فيتعور فمينفعش يسبقني فبالفعل عمل كدة بس جه يوم الجمعة جاره ملتزم سبق برضه
قال لازم افكر في اني اعمل له مشكلة فراح جبله بلطجية و حطهم علي باب شقته و غير كالون الباب و حبسه و جاء اليوم المرتقب
الحاضرون (ابوكرش)و مراته و ولديه و الجماهير من كل العمارات و نادي الحكم المتسابق ملتزم عليه التوجه للسطح للاهمية و ملتزم محبوس يا عيني و اعلن الحكم: إن لم ياتي ملتزم في غضون دقيقتين هيكسب ابوكرش و بالفعل اعلن الحكم هزيمة ملتزم و فوز ابو كرش و اعلن ابوكرش للجماهير: يا ايها الجماهير ان هذا اليوم يوم عظيم تعبت فيه قوي و اتدربت جامد و خاف ملتزم مني فعشان كد ماجاش علشان عارف انه هيتغلب و يا عيني ملتزم فتح الباب علشان يقول لأ البلطجية ضحضحوه و كسروه و سرقوا فلوسه و كسروا بيته و حبسوه بس ملتزم قرر ان مهما يحصل هيشارك و هيكون له دور في نشاط العمارة و مش هيخاف من ابوكرش
و تستمر الحرب من ابوكرش واخونا ملتزم لغاية متقوم الساعه

و توتا توتا خلصت الحدوتة حلوة ولا ملتوتة
مستني تعليقاتكم و تخمنكم مين ابو كرش و مين ملتزم؟؟؟



دونت بواسطة معاذ عبد الكريم