شر البلية ما يضحك !!!!!!!

شر البلية ما يضحك انه مثلا يعبر التعبير الحقيقي عن شخصية الانسان او المواطن المصري المطحون الغلبان المكبوت الذي يعبر عن مشاكله بالنكت و الاحاجي الذي يعبر عن راية بحرية فقط في الحمام العمومي يكتب ما يشاء و يرفض النظام لانه يعلم انه لا يوجد احد يسمع كلامه ولا يقرا كلامه الا في الحمامات و كذلك علي مقاعد المواصلات العامة
حقا انه المواطن المصري عاشق اليمقراطية الغارق في محيطات الحرية شكرن يا ريسنا علي انك و هبتلنا الحمام من اجل التعبير عن راينا

ربنا يديك ...................... تيييييييييييت علي اد نيتك علشان ان مدون مبحبش الشتيمة

في يوم 9 مايو تقريب قبل صلاه المغرب بقليل توجهت انا و صديقي الي محل لنتعاطي فيه المسحوق الرجيم الذي يسمي الكشري و عندما دخلت اتي الينا شيف غير متناسق الشكل و لكنه ((دمه خفيف)) فقال الباش الجميل و الباش الكبير تحبوا تكلو اه؟؟؟ فقلنا له فيه كشري بكام فاخذ يتقمص دور الرتيس عندما كان يتحدث عن الزيادة في المرتبات و قال فيه 4جينه و 5جنيه و مش كدة و بس لغاية 10 جنيه و جلس يسرد علينا تريقة
و في الحقيقة كم التريقة ناتج عن كم الضغط النفسي الذي يعيش فيه و الذي يكاد ان (( يفرتك صدره)) و عدم و جود مساحة لقول كلمة لا
و اليكم مجموعة من النكت اللي تعبر عن راي الشعب و مدي احتقانه
مبارك : عارف يا شيطان ياخويا, انا عاوز اعمل في الشعب المصري حركه تطلع من نافوخهم أبليس : طب هات ودنك وخد الفكره دي .....وش وش وش وش مبارك : لالا يا شيطان الفكره دي مش نافعه , عاوز حاجه أشد أبليس : طب خد دي ...... وش وش وش وش مبارك : لالا , برضه مش نافعه , ايه يا شطان انت بقيت خرع كده ليه , هات بقه ودنك وانا اقولك انا نويت اعمل فيهم ايه وش وش وش وش وش ابليس : لا يا راجل حرام عليك هو انتا شطان
واحد اتحشر في زحمة المرور فلقى واحد بيخبطله على شباك السيارة فتح الشباك و سأله عايز ايه قاله : الرئيس حسنى مبارك خطفوه و الفدية 5$مليون دولار و لو الفدية ماتدفعتش .. الخاطفين هددوا يدلقوا عليه بنزين و يولعوا فيه و احنا بنجمع تبرعات .. تحب تشارك ؟ الرجل سأل: " و في المتوسط الناس بتتبرع بكام" الرجل الثاني : " من 5 الى 10 لتر بنزي


كان حسني مبارك بيخطب في الشعب .. فكل شويه واحد يقوم ويقول عاش حسني مبارك موحد الاديان ويقعد يروح حسني مكمل كلامه وشويه ويقوم الراجل ويقول عاش حسني مبارك موحد الاديان فااتمسك امن دوله وطااااااااخ ويقولوله ايه الي انت بتقوله دا ازاي موحد الاديان دي مصر فيها مسيحين ويهود ومسلمين وطااااااخ فرد عليهم يا باشا ماهوه اللي مكفرنا كلنا

بيقولك واحد تانى لقى الفانوس السحرى ودعكه طلعله العفريت وقاله:شبيك لبيك تطلب أيه؟ قاله الراجل: أنا عايز كوبرى بين القاهره وأسوان العفريت قاله: دى صعبه قوى .. نقى حاجه تانيه الراجل قاله:خلاص خلى حسنى مبارك يسيب الحكم العفريت قاله:أنت عايز الكوبرى رايح جاى ولا رايح ب
بيقولك حسني مبارك جاب كرتونة فيها كتاكيت واداها لجمال وقال له فضي الكرتونة جمال فضى الكرتونة حسني مبارك قال له امسك الكتاكيت وحطها في الكرتونة تاني طبعا الكتاكيت طلعت تجري وكل كتكوت راح في اتجاه ومعرفش يمسكهم ابوه قال له استني ومسك الكتاكيت واحد واحد وحطهم في الكرتونة وقال له بص وقعد يرج في الكرتونة جامد لحد مالكتاكيت داخت قاله خد بقى الكرتونة وفضيها فضى جمال الكرتونة ابوه قال له رجع الكتاكيت في الكرتونة ها عرفت ازاي تمسك الكتاكيت
بجد كتير جدا من النكت لدرجة اني فكرت اني ادون نكت لعل ده الطريقة اللي بيعبر بيها الشعب عن اعتراضه بس ده مش الحل الحل قاله احمد مطر لو يعلم رقاص الساعة ان استمرار الرقص دليل الطاعة لتوقف من اول ساعة ليعلن افلاس الباعة قف يا رقاص الساعة

قتلتك الطاعة يا رقص الساعة

دونت بواسطة معاذ عبد الكريم